Ohiko arazoei (janari eta ur eskasia, udan 55º gradutik gorako tenperaturak, mediku azterketen gabezia eta abar) pandemia eta gerra gehitu zaizkie sahararrei.

Pandemia horri, isilik mantentzen den gerra gehitu zaio. 2020ko azaroaren 13an Marokok su-etenari amaiera eman baitzion. Ordutik, saharar soldaduak “lotsaren harresia” babesten diraute. Ia urte eta erdiz luzatu den gerrak heriotzak ekarri ditu. Aipatutako soldaduak, hain zuen ere, “Oporrak bakean” programan parte hartzen duten haurren aita, anaia edo senideak dira. Zenbait kasutan, duela urte batzuk gure herrietan harreran egondakoak dira.

Bi urte ondoren, “Oporrak bakean” martxan da. Ahalik eta haur gehienek uda Euskal Herrian pasa dezaten harrera familien bila dabiltza. Alkizako Udalak programa horretan parte hartzeko deia luzatu nahi dizue .

Datozen egunetan Saharako kanpamentuetan bizi duten egoeraren berri emateko hitzaldia eskainiko dugu herrian. Data zehaztu bezain pronto jakinaraziko dizuegu. Ordea, izena emateko epea martxoaren 27ra artekoa dela aintzat hartzea eskatzen dizuegu.

Izena emateko edo sor daitezkeen zalantza guztiak argitzeko deitu telefono zenbaki honetara:
Ana: 645 71 07 89