2019ko Sormenaren Kabia Beketako bat  irabazi zuen MugMus Laborategiko Beñat Ralla Yusta , Jone Amezaga del Frago eta Ioritz Galarraga Capdequiren proposamenak.

MugMus Laborategiak 2015ean hasi zuen bere ibilbidea “Esku Harriak: Oteizaren (h)aria” lanarekin. Alkizako egonaldian, berriz, “GARAIZ: 60 t.m.” obra berrirako lehen haziak erein zituzten.

MugMus taldeko kideak Alkizan izango dira  Jorge Oteiza artista polifazetikoak bere ibilbide aberatsean jorratutako iruditeri  anitzaren berrirakurketa propio bat egiteko.

Mugimenduei eta musikari esker, hamaika elementuri keinu egingo diete: harrespila (cromlech-a), hutsunea, espazioaren  trataera mamitsu eta moldagarria, desokupazioa, eskultura, “Laboratorio de Tizas” delako  bilduma, musika seriala eta konkretua, bertsolaria, txalaparta, Ez Dok Hamaihiru, hitza,  haurra eta abar.

Mugimenduaren (dantza), musikaren, eskulturaren, hitzaren, hotsen, espazioaren  trataeraren… harilkatze fin baten bitartez ikusleak oharkabean aipaturiko elementu horietatik  guztietatik bidaiatu du MugMus Laborategiak eginiko irakurketa propio honen bitartez. 

Esku Harriak: Oteizaren (h)aria

Zuzendari Artistikoa: Beñat Ralla Yusta 

Dantzariak: Jone Amezaga del Frago eta Ioritz Galarraga Capdequi 

Musika eta musikariak: Iñar Sastre Lopetegi eta Beñat Ralla Yusta 

Kanpo begirada: Eneko Balerdi Eizmendi

Testuak: Amets Arzallus Antia

Bertsoak: Xalbador (Fernando Aire Etxart)

Eszenografia: Beñat Ralla Yusta

Argiztapen diseinua: Arantza Flores Bengoetxea

Irudiak eta edizioa: Inge Mendioroz Ibañez eta Marta Marquet

—

Iraupena: 45 min.

Ikuslegoa: publiko guztiak